ଟାଟା ପାୱାର ଏବଂ ଓଡ଼ିଶା ସରକାରଙ୍କ ଯୌଥ ଉଦ୍ଯୋଗ ଟିପି ନର୍ଦର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ(ଟିପିଏନଓଡିଏଲ)ର କାର୍ଯ୍ୟ ନିର୍ବାହୀ ଅଧିକାରୀ(ସିଇଓ) ଭାବେ ଶ୍ରୀ ଗଜାନନ ଏସ କାଲେ କାର୍ଯ୍ୟ କରୁଛନ୍ତି। ସେ ସମ୍ପ୍ରତି ଓଡ଼ିଶା ବିତରଣ ବ୍ୟବସ୍ଥାର ମୁଖ୍ୟ ଅଧିକାରୀ ଭାବେ ମଧ୍ୟ କାର୍ଯ୍ୟରତ। ବିଦ୍ୟୁତ ବିତରଣ ଓ ପରିଚାଳନା କ୍ଷେତ୍ରରେ ଦୀର୍ଘ ୩୨ ବର୍ଷର ଅଭିଜ୍ଞତା ସହିତ, ଶ୍ରୀ କାଲେ ବିଭିନ୍ନ ସଂସ୍ଥାରେ ବୈଷୟିକ ସ୍ତରୀୟ ଉଚ୍ଚ ପଦରେ ଗୁରୁଦାୟିତ୍ଵ ବହନ କରିଛନ୍ତି। ପରିବର୍ତ୍ତନତା, ଉତ୍କର୍ଷତା, ଡିଜିଟାଲ ଉନ୍ନତି ଓ ଅଂଶୀଦାର ସୁପରିଚାଳନା କ୍ଷେତ୍ରରେ ତାଙ୍କର ଯୋଗଦାନ ଉଲ୍ଲେଖଯୋଗ୍ୟ ରହିଛି।
ଟିପିଏନଓଡ଼ିଏଲରେ ଯୋଗଦେବା ପୂର୍ବରୁ, ସେ ଟାଟା ପାୱାର ଦିଲ୍ଲୀ(ଟିପିଡ଼ିଡ଼ିଏଲ), ଟାଟା ପାୱାର ଆଜମେର(ଟିପିଏଡ଼ିଏଲ), ଟିପି ୱେଷ୍ଟର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ(ଟିପିଡବ୍ଲ୍ୟୁଡିଏଲ)ର ସିଇଓ ଭାବେ ଦାୟିତ୍ଵ ନିର୍ବାହ କରିଛନ୍ତି। ସେ ତାଙ୍କର କାରିଆର ଭୋପାଳ ସ୍ଥିତ ଭେଲ୍(BHEL) ରୁ ଆରମ୍ଭ କରିଥିଲେ। ପରେ ସେଣ୍ଟ୍ରାଲ ରେଳ ବିଭାଗ (ନାଗପୁର), ଟାଟା ପାୱାର ମୁମ୍ବାଇ ବିତରଣ ଓ ଟାଟା ପାୱାର ଦିଲ୍ଲୀ ବିତରଣରେ ଯୋଗଦାନ କରିଥିଲେ।
ଗ୍ରାହକସେବା କ୍ଷେତ୍ରରେ ଉତ୍କର୍ଷତା, ସାଧନ ଯୋଜନା ଓ ବ୍ୟବସ୍ଥାପନ, କାର୍ଯ୍ୟ କୁଶଳତା, ପ୍ରକଳ୍ପ ବ୍ୟବସ୍ଥାପନ, ଡିଜିଟାଲ ପରିବର୍ତ୍ତନ ଆଦି କ୍ଷେତ୍ରରେ ସେ ଦୀର୍ଘ ବର୍ଷର ଅଭିଜ୍ଞତା ରଖିଛନ୍ତି। ସେ ତାଙ୍କ ଉତ୍କର୍ଷ ଯୋଗଦାନ ପାଇଁ ‘ବେଷ୍ଟ ସିଇଓ ଅଫ୍ ଦି ଇୟର ୱିଥ ଏଚଆର ଓରିଏଣ୍ଟେସନ’ ଏବଂ ‘ସିଇଓ ଅଫ୍ ଦି ଇୟର’ ସମ୍ମାନରେ ସମ୍ମାନୀତ ମଧ୍ୟ ହୋଇଛନ୍ତି। ବିଦ୍ୟୁତ ବିତରଣ କ୍ଷେତ୍ରରେ ତିନି ଦଶନ୍ଧିରୁ ଊର୍ଦ୍ଧ୍ଵ ସମୟର ଅଭିଜ୍ଞତା ରଖିଥିବା ଶ୍ରୀ କାଲେ ଦେଶର ବହୁ ନାମିଦାମୀ ବିଦ୍ୟୁତ ବିତରଣ କମ୍ପାନୀରେ ଗୁରୁଦାୟିତ୍ଵ ବହନ କରିଛନ୍ତି। ସେ ନାଗପୁର ସ୍ଥିତ ‘ଏନଆଇଟି’ରୁ ଇଲେକ୍ଟ୍ରିକାଲ ଇଞ୍ଜିନିୟରିଂରେ ସ୍ନାତକୋତ୍ତର ହାସଲ କରିଥିବାବେଳେ ଆଇଆଇଏମ ଅହମ୍ମଦାବାଦରୁ ପରିଚାଳନା କ୍ଷେତ୍ରରେ ଡିଗ୍ରୀ ହାସଲ କରିଛନ୍ତି। ତାଙ୍କ ସୁଦକ୍ଷ ନେତୃତ୍ୱରେ ସେ ଟିପିଏନଓଡ଼ିଏଲକୁ ଉନ୍ନତି ପଥରେ ଅଗ୍ରସର କରିବାର ଯାତ୍ରା ଜାରି ରଖିଛନ୍ତି।
ଟିପିଏନ୍ଓଡିଏଲ୍ ର ମୁଖ୍ୟ ବିତ୍ତ ଅଧିକାରୀ ରୂପେ ଦାୟିତ୍ୱ ଗ୍ରହଣ କରିବା ପୂର୍ବରୁ ଶ୍ରୀ ସେନଗୁପ୍ତା ଟାଟା ପାୱାର ସୋଲାରର ବିତ୍ତୀୟ ମୁଖ୍ୟ ଭାବେ କମ୍ପାନୀର ସମସ୍ତ ବିତ୍ତୀୟ ସମ୍ବନ୍ଧୀୟ ଆକାଉଣ୍ଟ ତଥା ଟ୍ୟାକ୍ସ ବିଭାଗ ତଦାରଖ କରିଆସୁଥିଲେ।
ଫାଇନାନ୍ସ ମ୍ୟାନେଜମେଣ୍ଟ, ବିଜିନେସ୍ ପ୍ଲାନ୍ ଆଣ୍ଡ ଷ୍ଟ୍ରାଟେଜି, ଆକାଉଣ୍ଟିଂ, ଟ୍ୟାକ୍ସେସନ୍, ଇଂପୋର୍ଟ, ଏକ୍ସପୋର୍ଟ କ୍ଷେତ୍ରରେ ଦୀର୍ଘ ୨୦ ବର୍ଷର ଦୀର୍ଘ ଅନୁଭବ ସହିତ କାର୍ଯ୍ୟ କରିଆସିଛନ୍ତି। ୨୦୦୭ ମସିହାରେ ଟାଟା ପାୱାରରେ ଯୋଗଦେବା ପରେ ବିଭିନ୍ନ ପଦ ପଦବୀରେ ଗୁରୁ ଦାୟିତ୍ଵ ବହନ କରିଛନ୍ତି।
ଏଫଏମସିଜି କଂପାନୀରେ ନିଜର କର୍ମଜୀବନ ଆରମ୍ଭ କରିବା ସହିତ ମାନୁଫ୍ୟାକଚର୍ ଏବଂ ରିୟଲ୍ ଇଷ୍ଟେଟ କଂପାନୀରେ ମଧ୍ୟ ସେ କାର୍ଯ୍ୟ କରିଛନ୍ତି। ଟ୍ୟାକ୍ସେସନ୍, ଷ୍ଟ୍ରାଟେଜି, ଫଣ୍ଡିଂ, ପ୍ରୋଯେକ୍ଟ ଫାଇନାନ୍ସ, ଫାଇନାନସିଆଲ୍ ମଡେଲିଂ , ପ୍ରାଇସ୍ ଫିକ୍ସେସନ, ଏମଆଇଏସ୍ ଆଣ୍ଡ ବଜେଟିଂ କ୍ଷେତ୍ରରେ ନିଜର ଦାୟିତ୍ୱ ସୂଚାରୁରୂପେ ସମ୍ପାଦନ କରିଛନ୍ତି। ଇଣ୍ଟରନାଲ୍ ଅଡିଟ୍ ଆଣ୍ଡ ରିସ୍କ ମ୍ୟାନେଜମେଣ୍ଟ, କମର୍ସିଆଲ ନେଗୋସିଏସନ୍ , ଅଫସୋର୍ ଫଣ୍ଡ ହ୍ୟାଣ୍ଡେଲିଂ , ଫିମା ରେଗୁଲେସନ କ୍ଷେତ୍ରରେ ମଧ୍ଯ ନିଜର ଦକ୍ଷତା ପ୍ରଦର୍ଶନ କରିଆସିଛନ୍ତି।
ଶ୍ରୀ ସେନଗୁପ୍ତା ଜଣେ ଚାର୍ଟାଡ୍ ଆକାଉଣ୍ଟାଟ ହେବା ସହିତ ଜଣେ କଷ୍ଟ୍ ଆକାଉଣ୍ଟାଟ ମଧ୍ୟ ଅଟନ୍ତି।
ଦୀର୍ଘ ୩୦ ବର୍ଷର ଅନୁଭୂତି ସମ୍ପନ୍ନ ତଥା ଇଲେକ୍ଟ୍ରିକାଲ ପାୱାର ସିଷ୍ଟମର ପୋଷ୍ଟ ଗ୍ରାଜୁଏଟ୍ ଡିଗ୍ରୀଧାରୀ ଶ୍ରୀ ନିଲେଶ୍ ପୋଟଫଡେ ହେଉଛନ୍ତି ଟିପିଏନଓଡିଏଲ୍ ର ପରିଚାଳନା ସେବା ମୁଖ୍ୟ। ଉତ୍ପାଦନ-ସଞ୍ଚାରଣ- ବିତରଣ କ୍ଷେତ୍ରରେ ଦୀର୍ଘ ଅନୁଭୂତି ସଂପନ୍ନ ଶ୍ରୀ ନିଲେଶ୍ ସପ୍ଲାଇ ଚେନର ବ୍ୟବସାୟିକ ପ୍ରକ୍ରିୟା ଯେପରିକି ତାପଜ ପ୍ଲାଣ୍ଟ/ଇଏଚଭି ସବଷ୍ଟେସନ/ଇଂଜିନିୟରିଂ ତଥା ତାର ସୁରକ୍ଷା/ବିତରଣ ନେଟୱର୍କ ଗୁଡିକର ପ୍ଲାନିଂ/ ବିଶାଳ ବିତରଣ କ୍ଷେତ୍ରର ଅପରେସନ ତଥା ସନ୍ତୁଳନ ରକ୍ଷାକରିବା ର କୌଶଳ ହାସଲ କରି ତାକୁ ସମନ୍ଵିତ କାର୍ଯ୍ୟକାରୀ କରିବାର ବିଶେଷ ଅନୁଭୂତି ରଖିଛନ୍ତି। ସେ ଭାରତ ତଥା ବିଦେଶରେ ମଧ୍ୟ ୟୁଟିଲିଟି ପ୍ରୋଯେକ୍ଟରେ କାର୍ଯ୍ୟ କରିଛନ୍ତି।
ସେ ବୈଷୟିକ କ୍ଷେତ୍ରରେ ସୁଦକ୍ଷତା ସହ ବାଣିଜ୍ୟିକ କ୍ଷେତ୍ରରେ ମଧ୍ୟ ଜଣେ ସମସ୍ୟା ସମାଧାନକାରୀ ଏବଂ ବିଶେଷଜ୍ଞ ଅଟନ୍ତି। ଟିପିଏନଓଡ଼ିଏଲରେ ନିରାପଦ ଏବଂ ନିର୍ଭରଯୋଗ୍ୟ କାର୍ଯ୍ୟ ପାଇଁ ରଣନୈତିକ ନେତୃତ୍ୱ ପ୍ରଦାନ କରନ୍ତି। TPNODL ରେ ଦାୟିତ୍ୱ ଗ୍ରହଣ କରିବା ପୂର୍ବରୁ, ସେ ଟାଟା ପାୱାର ମୁମ୍ବାଇ ବଣ୍ଟନରେ ପରିଚାଳନା ମୁଖ୍ୟ ଏବଂ ଟିପିଏନଓଡ଼ିଏଲରେ ଯୋଜନା ଓ ଇଞ୍ଜିନିୟରିଂ ମୁଖ୍ୟ ଭାବରେ ଦାୟିତ୍ଵ ନିର୍ବାହ କରିଛନ୍ତି।
ଶ୍ରୀ ପ୍ରଦୀପ କୁମାର ମହାନ୍ତି ଟିପିଏନଓଡ଼ିଏଲରେ ପ୍ରକଳ୍ପ ପ୍ରମୁଖ ଭାବେ କାର୍ଯ୍ୟରତ। ଜଣେ ବୈଦ୍ୟୁତିକ ଇଞ୍ଜିନିୟର ଭାବେ ତାଙ୍କର ବିଦ୍ୟୁତ୍ ଉତ୍ପାଦନ, ସଞ୍ଚାରଣ ଏବଂ ବିତରଣ କ୍ଷେତ୍ରରେ ୨୫ ବର୍ଷରୁ ଅଧିକ ସମୟର ଅଭିଜ୍ଞତା ରହିଛି । ଷ୍ଟରଲାଇଟ୍ ପାୱାର ଟ୍ରାନ୍ସମିସନ୍ ଲିମିଟେଡ୍, ଟାଟା ପାୱାର କମ୍ପାନୀ ଲିମିଟେଡ୍, ଏସାର ପାୱାର ଲିମିଟେଡ୍, ଜିନ୍ଦଲ ଷ୍ଟେନଲେସ୍ ଲିମିଟେଡ୍ ଏବଂ ଲାଙ୍କୋ ଇନଫ୍ରାଟେକ୍ ଲିମିଟେଡ୍ ଭଳି କମ୍ପାନୀରେ ସେ ବିଭିନ୍ନ ପଦ ପଦବୀରେ ଗୁରୁଦାୟିତ୍ଵ ବହନ କରିଛନ୍ତି । ପ୍ରାକ୍- ପ୍ରକଳ୍ପ କାର୍ଯ୍ୟକଳାପ, ପ୍ରକଳ୍ପ ଯୋଜନା, ପ୍ରକଳ୍ପ କାର୍ଯ୍ୟାନ୍ୱୟନ, ପ୍ରକଳ୍ପ ପରିଚାଳନା, ବିଡିଂ ଏବଂ EPC ରେ ତାଙ୍କର ଅଭିଜ୍ଞତା ରହିଛି । ସେ ଜଣେ ସାର୍ଟିଫାଏଡ୍ ଏନର୍ଜି ମ୍ୟାନେଜର (BEE), ISO 9001 ଏବଂ 14001 ର ଆଭ୍ୟନ୍ତରୀଣ ଅଡିଟର, ଜଣେ ବଏଲର ଅପରେସନ୍ ଇଞ୍ଜିନିୟର (BOE) ଏବଂ IPMA D ସ୍ତରର ପ୍ରମାଣପତ୍ରର ଅଧିକାରୀ ମଧ୍ୟ ଅଟନ୍ତି ।
ଶ୍ରୀ ରାଜୀବ ଗୋଏଲ ଟିପି ନର୍ଦର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ୍ ଲିମିଟେଡ୍ (TPNODL)ରେ IT & OT ମୁଖ୍ୟ ଏବଂ ଟାଟା ପାୱାରର T&D କ୍ଲଷ୍ଟର ପାଇଁ ଆପ୍ଲିକେସନ୍ ଆଡମିନିଷ୍ଟ୍ରେଟିଭ୍ ସର୍ଭିସେସ୍ ମୁଖ୍ୟ ଭାବେ କାର୍ଯ୍ୟରତ। ସେ TPNODLରେ ସୂଚନା ଏବଂ ପରିଚାଳନାଗତ ପ୍ରଯୁକ୍ତିବିଦ୍ୟା (IT/OT) ସମ୍ବନ୍ଧୀୟ କାର୍ଯ୍ୟର ନେତୃତ୍ୱ ନେଉଛନ୍ତି। SAP, GIS, IT ଭିତ୍ତିଭୂମି, SCADA, AMI, ଏବଂ ADMS ଭଳି ସିଷ୍ଟମର ସମନ୍ୱୟ ଏବଂ ନିୟୋଜନ ପରିଚାଳନା ଦାୟିତ୍ଵ ନିର୍ବାହ କରୁଛନ୍ତି। ଏହା ସହିତ, ସେ TPNODLର ଟୋଟାଲ କ୍ୱାଲିଟି ମ୍ୟାନେଜମେଣ୍ଟ (TQM) କୋର୍ କମିଟିର ଜଣେ ସକ୍ରିୟ ସଦସ୍ୟ।
ତାଙ୍କର ତିନି ଦଶନ୍ଧିରୁ ଅଧିକ ସମୟର ଅଭିଜ୍ଞତା ଥିବାବେଳେ ବିଦ୍ୟୁତ୍ ବିତରଣ କ୍ଷେତ୍ରରେ ସେ ୨୦ବର୍ଷରୁ ଅଧିକ ସମୟର ଅଭିଜ୍ଞତା ରଖିଛନ୍ତି। ସେ ପ୍ରଯୁକ୍ତିବିଦ୍ୟାର ଉନ୍ନତି ଦ୍ଵାରା ବିଦ୍ୟୁତ୍ ବିତରଣ ଶିଳ୍ପରେ ସଂସ୍କାର ଆଣିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। IT/OT ରଣନୀତି ଏବଂ ରୋଡମ୍ୟାପ୍ ପ୍ରସ୍ତୁତ କରିବା, IT ଭିତ୍ତିଭୂମି ପରିଚାଳନା କରିବା, ନିୟାମକ ଏବଂ ବୈଧାନିକ ଅନୁପାଳନ ସୁନିଶ୍ଚିତ କରିବା, ପରିବର୍ତ୍ତନ ନିୟନ୍ତ୍ରଣ ପରିଚାଳନା ତଦାରଖ କରିବା, SAP, AMI, ADMS, ଏବଂ FFA ଭଳି ଆପ୍ଲିକେସନ୍ ପରିଚାଳନା କରିବା ସହିତ ସାଇବର ସୁରକ୍ଷା ବୃଦ୍ଧି କରିବା ଆଦି କ୍ଷେତ୍ରରେ ସେ ପାରଙ୍ଗମ। ଶ୍ରୀ ଗୋଏଲ SAPରେ ଉନ୍ନତ ସ୍ତରୀୟ ପ୍ରମାଣପତ୍ର ସହିତ କମ୍ପ୍ୟୁଟର ଆପ୍ଲିକେସନ୍ସରେ ମାଷ୍ଟର ଡିଗ୍ରୀ ହାସଲ କରିଛନ୍ତି। ସେ ବ୍ୟବସାୟ ପରିଚାଳନାରେ ସ୍ନାତକୋତ୍ତର ଡିପ୍ଲୋମା ମଧ୍ୟ କରିଛନ୍ତି। ସେ ଟିପିଏନଓଡ଼ିଏଲରେ ଯୋଗ ଦେବା ପୂର୍ବରୁ, ଶ୍ରୀ ଗୋଏଲ TPWODL ଏବଂ ଟାଟା ପାୱାର-DDL ରେ କାର୍ଯ୍ୟ କରିଥିଲେ। ତାଙ୍କ କ୍ୟାରିୟରର ପ୍ରାରମ୍ଭରେ, ସେ HCL ଏବଂ CSC ଭଳି ପ୍ରତିଷ୍ଠିତ ସଂଗଠନ ସହିତ କାର୍ଯ୍ୟ କରିଛନ୍ତି।
ଶ୍ରୀ ରମେନ୍ଦ୍ର ଏନ୍ ବନିକ ଟିପିଏନଓଡ଼ିଏଲରେ ଏଚଆର, ଆଇଆର, ଇଏସ ଏବଂ ପ୍ରଶାସନ ମୁଖ୍ଯ ଭାବେ କାର୍ଯ୍ୟରତ। ବିଦ୍ୟୁତ୍ ସେବା କ୍ଷେତ୍ରରେ ତାଙ୍କର ୨୬ ବର୍ଷରୁ ଅଧିକ ଅଭିଜ୍ଞତା ଅଛି। ସେ ମାନବ ସମ୍ବଳର ରଣନୈତିକ କାର୍ଯ୍ୟକଳାପ ଏବଂ ମାନବ ସମ୍ବଳର ସୁପରିଚାଳନା କ୍ଷେତ୍ରରେ ଉଲ୍ଲେଖନୀୟ ଯୋଗଦାନ ଦେଇଛନ୍ତି।
ସେ ଏକ୍ସଏଲଆରଆଇର ପୂର୍ବତନ ଛାତ୍ର ଏବଂ ଅର୍ଥନୀତିରେ ସ୍ନାତକୋତ୍ତର ହାସଲ କରିଛନ୍ତି। ତାଙ୍କର ଦୃଢ଼ ଓ ନୀତିଗତ ମାନବ ସମ୍ବଳ ପରିଚାଳନା ପଦ୍ଧତି ଟିପିଏନଓଡ଼ିଏଲର ଜୟ ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଆସୁଛି।
ଶ୍ରୀ ଜୟଦୀପ ରୟ ଟିପିଏନଓଡ଼ିଏଲରେ କମର୍ସିଆଲ ଓ ସିଏସଆର ପ୍ରମୁଖ ଭାବେ କାର୍ଯ୍ୟରତ। ଦୁର୍ଗାପୁର ଏନଆଇଟିରୁ ଇଞ୍ଜିନିୟରିଂ ସ୍ନାତକ ହାସଲ କରିବା ସହ ଶ୍ରୀ ରାୟଙ୍କର CESC, AES, ପ୍ରାଇସ୍ ୱାଟରହାଉସ୍ କୁପର୍ସ, ଟାଟା ପାୱାର ମୁମ୍ବାଇ ଏବଂ TPDDL ସମେତ ବହୁବିଧ ଉପଯୋଗୀତା ସହିତ ବିଦ୍ୟୁତ୍ ବଣ୍ଟନ ବ୍ୟବସାୟରେ ୨୭ ବର୍ଷରୁ ଅଧିକ ଅଭିଜ୍ଞତା ରହିଛି।
ପ୍ରାଇସ୍ ୱାଟରହାଉସ୍ କୁପର୍ସ ସହିତ ତାଙ୍କ କାର୍ଯ୍ୟଧାରା ସମୟରେ, ସେ ଦୁଇଟି SEB (OSEB ଏବଂ RSEB) କୁ ପୃଥକ ଜେନେରେସନ୍, ଟ୍ରାନ୍ସମିସନ୍ ଏବଂ ଡିଷ୍ଟ୍ରିବ୍ୟୁସନ୍ ୟୁଟିଲିଟିରେ ପୁନର୍ଗଠନ କରିବାରେ, ଓ ମୂଲ୍ୟ ଶୃଙ୍ଖଳର ବଣ୍ଟନ ଅଂଶକୁ ସଂସ୍ଥାଗତ ଉନ୍ନତ କରିବାରେ ଦାୟିତ୍ଵ ନିର୍ବାହ କରିଥିଲେ।
ଏହା ସହିତ, ସେ ଟାଟା ପାୱାରରେ ରଣନୀତି କାର୍ଯ୍ୟର ନେତୃତ୍ୱ ନେଇଥିଲେ, ଉତ୍ପାଦନ, ସଞ୍ଚରଣ ଓ ବିତରଣ ଏବଂ ନବୀକରଣୀୟ ବ୍ୟବସାୟଗୁଡ଼ିକର ଭବିଷ୍ୟତ ଅଭିବୃଦ୍ଧି ରଣନୀତିକୁ ଏକ ନୂଆ ଦିଗ ପ୍ରଦାନ କରିଥିଲେ। TPDDL ରେ ତାଙ୍କର ପୂର୍ବ ଦାୟିତ୍ଵର ଏକ ଅଂଶ ଭାବରେ, ସେ ବ୍ୟବସାୟର ବାଣିଜ୍ୟିକ ଦିଗ ପରିଚାଳନା ପାଇଁ ଗୁରୁତ୍ୱପୂର୍ଣ୍ଣ ଦାୟିତ୍ଵ ନିର୍ବାହ କରିଥିଲେ ଓ ଏ ସମ୍ପର୍କିତ ସମସ୍ତ କାର୍ଯ୍ୟକୁ ସୂଚାର ରୂପେ ପରିଚାଳନା କରିଥିଲେ।
ଶ୍ରୀ ହରିଶ୍ ଶର୍ମା ଟିପିଏନଓଡ଼ିଏଲରେ ଭିଜିଲାନ୍ସ ଓ ସି ଏଣ୍ଡ ଏମଏମ ବିଭାଗର ପ୍ରମୁଖ ଭାବେ କାର୍ଯ୍ୟରତ। ଶିଳ୍ପ କ୍ଷେତ୍ରରେ ତାଙ୍କର ୩୫ ବର୍ଷରୁ ଊର୍ଦ୍ଧ୍ଵ ବର୍ଷର ଅଭିଜ୍ଞତା ଥିବାବେଳେ ସେ ପାଟିଆଲାର ଥାପର ବିଶ୍ୱବିଦ୍ୟାଳୟରୁ ଇଞ୍ଜିନିୟରିଂରେ ସ୍ନାତକ ଏବଂ ଦିଲ୍ଲୀର ପରିଚାଳନା ଅଧ୍ୟୟନ ଫ୍ୟାକଲ୍ଟି (FMS)ର ଏକଜିକ୍ୟୁଟିଭ୍ ଏମବିଏ ବିଭାଗର ପୁରାତନ ଛାତ୍ର ଅଟନ୍ତି। ଶ୍ରୀ ଶର୍ମା ଭାରତ ଏବଂ ବିଦେଶରେ ବିଭିନ୍ନ ଶିଳ୍ପ ଏବଂ ଉପଯୋଗୀତାଗୁଡ଼ିକର କାର୍ଯ୍ୟକ୍ଷମ କାର୍ଯ୍ୟଦକ୍ଷତାକୁ ପରିବର୍ତ୍ତନ କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି।
ବୈଦ୍ୟୁତିକ ଓ ଯାନ୍ତ୍ରିକ ଉପକରଣ ପାଇଁ କ୍ରୟ ଯୋଜନା ଏବଂ ଇନଭେଣ୍ଟରୀ ପରିଚାଳନାରେ ବିଶେଷଜ୍ଞତା ସହିତ ସେ ଟିପିଡ଼ିଡ଼ିଏଲର ସିଷ୍ଟମ ସୁଦୃଢ଼ୀକରଣ ପଦକ୍ଷେପରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଛନ୍ତି। ୧୫ ବର୍ଷ ମଧ୍ୟରେ AT&C କ୍ଷତିକୁ ୫୩% ରୁ ୯% କୁ ହ୍ରାସ କରିବାରେ ସେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।
ଜଣେ ଅଭିଜ୍ଞ ପ୍ରକଳ୍ପ ପରିଚାଳନା ବୃତ୍ତିଗତ ଭାବରେ, ଶ୍ରୀ ଶର୍ମା ଉତ୍ତର ପ୍ରଦେଶ ପାୱାର କର୍ପୋରେସନ ଲିମିଟେଡରେ ଶକ୍ତି ଅଡିଟ୍ ପ୍ରକଳ୍ପ ସମେତ କ୍ଷତି ହ୍ରାସ ପଦକ୍ଷେପ କାର୍ଯ୍ୟକାରୀ କରିବା ଭଳି ପ୍ରତିଷ୍ଠିତ ପ୍ରକଳ୍ପଗୁଡ଼ିକର ନେତୃତ୍ୱ ନେଇଛନ୍ତି। ତାଙ୍କର ଆନ୍ତର୍ଜାତୀୟ ଅଭିଜ୍ଞତାରେ ନାଇଜେରିଆରେ ସିଇଓ ଏବଂ ତାଜିକିସ୍ତାନରେ ବାଣିଜ୍ୟିକ ନିର୍ଦ୍ଦେଶକ ଭାବରେ କାର୍ଯ୍ୟ କରିବା ଅନ୍ତର୍ଭୁକ୍ତ ଅଟେ। ଏଠାରେ ସେ ସଫଳତାର ସହିତ AT&C କ୍ଷତି ହ୍ରାସ କରିଥିଲେ ଏବଂ ବାଣିଜ୍ୟିକ କାର୍ଯ୍ୟଦକ୍ଷତାରେ ଉନ୍ନତି ଆଣିଥିଲେ। SAP-MM ଦଳର ନେତୃତ୍ୱ ନେବା ପରେ, ଶ୍ରୀ ଶର୍ମା ଷ୍ଟୋର ରେକର୍ଡଗୁଡ଼ିକର ଡିଜିଟାଇଜେସନ୍ର ନେତୃତ୍ୱ ନେଇଥିଲେ ଏବଂ ସାମଗ୍ରୀଗୁଡ଼ିକର ଦ୍ୱାର ଡେଲିଭରି ଭଳି ଅଭିନବ ପଦକ୍ଷେପ କାର୍ଯ୍ୟକାରୀ କରିଥିଲେ, ଯାହା ଫଳରେ ଯଥେଷ୍ଟ ଖର୍ଚ୍ଚ ସଞ୍ଚୟ ଏବଂ ପ୍ରକ୍ରିୟାରେ ଉନ୍ନତି ଆସିଥିଲା।
ଟିପିଏନଓଡ଼ିଏଲ ତାଙ୍କ ନେତୃତ୍ୱରେ ନୂତନ ବ୍ୟବସାୟ ପ୍ରକ୍ରିୟା ବିକାଶ କରିବା, ଡିଜିଟାଇଜେସନ୍ ଏବଂ ଗୁରୁତ୍ୱପୂର୍ଣ୍ଣ ସେବା ଅର୍ଡର ପରିଚାଳନା ଅନ୍ତର୍ଭୁକ୍ତ କରିଛି। ଉତ୍କର୍ଷତା ଏବଂ ନବସୃଜନର ଏକ ଟ୍ରାକ୍ ରେକର୍ଡ ସହିତ, ଶ୍ରୀ ଶର୍ମା ଟିପିଏନଓଡ଼ିଏଲର ଜୟ ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଆସୁଛନ୍ତି।
ଶ୍ରୀ ଗଜାନନ ଏସ କାଲେ 
ଶ୍ରୀ ଶିଲାଦିତ୍ୟ ସେନଗୁପ୍ତା
ଶ୍ରୀ ନିଲେଶ୍ ପୋଟଫଡେ
ଶ୍ରୀ ପ୍ରଦୀପ କୁମାର ମହାନ୍ତି
ଶ୍ରୀ ରାଜୀବ ଗୋଏଲ
ଶ୍ରୀ ରମେନ୍ଦ୍ର ଏନ ବନିକ 
ଶ୍ରୀ ଜୟଦୀପ ରୟ 
ଶ୍ରୀ ହରିଶ୍ ଶର୍ମା